ZETAZKO BELDARRAK

GURE GELAKO DANELEK ZETAZKO HARRAK EKARRI ZITUEN, HARRA DENETIK TXIMELETA BIHURTZERAINO JARRAITU DUGU PROZESU GUZTIA, BAITA ARRAUTZAK ERRUN ARTE.

BARATZEKO GORA-BEHERAK

GURE ESKOLAKO GOIKO TERRAZAN "BARATZ" ANTZEKOA ANTOLATU DUGU.
LEHENENGO PAUSOA, ONTZIETAN LURRA BOTATZEA ETA PRESTATZEA IZAN DA. LURRA HARROTU ONDOREN, EREIN ETA LANDATZEKO.





GERO, BESTE EGUN BATEAN, AZOKAN LANDAREAK EROSTERA JOAN GARA. ANDEREÑO MARI KARMENEK ILAR-HAZIAK EKARRI DIZKIGU.






HAZIAK ETA LANDAREAK EDUKITA, EGURALDI ONA IZAN DEN EGUN BATZUTAN LANDATU ETA EREIN DUGU DENON ARTEAN MARI KARMENEK LAGUNDUTA. HEMEN IKUS DITZAKEZUE DENEN ARTEKO LANA, ILARRAK EREITEN ETA PIPERRAK, TOMATEAK, KIPULAK ETA LETXUGAK LANDATZEN.





AZKENIK, UZTA BATU DUGU. EZ BAKARRIK BATU, JAN ERE EGIN DUGU!!!

HENNA

5 URTEKO GELETAN NESKA MAROKIAR BATZUK ESKUA MARGOTUTA AZALDU ZIREN, ETA BESTE IKASLEEI DEIGARRIA IRUDITU ZITZAIEN. HORI IKUSITA, BERAIEN AMEKIN HITZ EGIN ETA PREST AZALDU ZIREN HENNARI BURUZKO ADIERAZPENAK EMATEKO ETA UMEEI ESKUAK MARGOTZEKO. UMEEI ASKO GUSTATU ZITZAIEN, BESTELA, BEGIRA ARGAZKIAK!!

DEBA 4-5 URTE

ORIOKO IRTEERA

 kaixo danori oraingo honetan orioko txango ahaztezina kontatu nahi dizuegu:

Oriora iritsi, maletak laga eta gailetak jan genituen. Gero jolasean aritu ginen futbolean, sokekin, saskibaloian, mahai-tenisean, etab. bazkalordurarte.  Eskuak garbitu, eta 4 mahietan bazkaldu genuen ederto!

Bazkalostean ere, pixka bat jolastu genuen. Zarautzeko kanpinera ibilaldia egiteko arrakastarik gabeko 2 saiakeraren ostean, xiri-miria zela eta, 3.ean lortu genuen. Ttipi-ttapa ibilaldian abiatu ginean, eta bidean animalia pila ikusi genituen, zaldiak, moxalak, astoak, behiak, etab. Heldu ginen Zarautzeko kanpinera, eta bertan askaria hartu genuen, bai goxoa txokolatezko otartekoa!

Han bazegoen parke bat, eta bertan nekatu arte jolasean aritu ginen.

Afaldu baino lehen, aterpetxera itzuli, eskuak garbitu eta afaltzera!!

afaldu eta gero "pijama jaia" egin genuen eta azkeneaaaaan karamelo bila irten ginen kanpora ilundu zenean bakoitza bere linternarekin.

edozen baT GOXOKI TOPATU GENUEN DENON ARTEAN!!!!!!!!!!

                                         

 ONDOREN ZEHARO NEKATUTA LOTARA JOAN GINEN. BENO BAZEUDEN BATZUK ORAINDIK JOLAS ETA HITZ EGITEKO GOGOAREKIN

HURRENGO EGUNEAN, ESNATU, JANTZI MOTXILAK PRESTATU ETA GOSALTZERA!!!!

GOSARIAN MCARMEN ANDEREÑOA ZORIONDU GENUEN BERE URTEBETETZEA IZAN ZEN ETA:

GOSALDU ONDOREN, BESTE PIXKA BAT JOLASTU GENUEN. EGURALDIA EZ ZEN OSO ONA, ETA EZIN IZAN GENUEN HONDARTZARA JOAN. HORTAZ, ATERPETXEAN JOLASTU ETA ESKULAN BATZUK ERE EGIN GENITUEN.

ONDOREN, BAZKALDU ETA AUTOBUSERA!! POSTRERAKO IZOZKI GOXO-GOXOA!!

GOSARIA

  

EGUNON! UMMM! EDERTO GOSALDU GENUEN AURREKO ASTEARTEAN ESKOLAKO JANTOKIAN.








ASKO ETA ASKOK EGUNERO BAZKALTZEN DUGU ESKOLAN BAINA BADAUDE GUTXI BATZUK ETXERA JOATEN DIRENAK BAZKALTZERA ETA BIGARREN ALDIA DA GURE JANTOKIAN EGON DIRELA GOSARIA DELA ETA.

IA BI GELETAKO UME GUZTIAK ELKARTU GINEN ETA OSO GUSTORA, LASAI ETA GOGOTSU GOSALDU GENUEN.

GOSARI EGUNA BAINO LEHEN  AURORA DIETISTA-NUTRICIONISTAREN BISITA IZAN GENUEN. GOSARI OSASUNTSUA NOLAKOA DEN AZALDU ZIGUN .

 HORRETARAKO BOROBIL FORMAKO ZAPI HANDI BAT ERAKUTSI ZIGUN. BOROBIL HAU HIRU ZATI HANDITAN BANATUTA ZEGOEN ETA ZATI BAKOITZAK KOLORE DESBERDINA ZUEN: GORRIA, BERDEA ETA HORIA

.

GOSARIAN JAN DAITEZKEN JANARI EGOKIAK EKARRI ZITUEN ETA ZAPIAN IPINI ZITUEN GORRIAN HANDI HANDIAK EGITEKO BALIO DUTENAK, BERDEAN GAIXOTASUNAK EZ HARRAPATZEKO LAGUNGARRIAK, ETA AZKENIK HORIAN ENERGIA EMATEN DUTENAK, KOTXEKO GASOLINA BEZALA.

IKUSTEN DUZUENEZ ZATI GORRIAN ESNEA, GAZTAIA, JOGURRA, URDAI AZPIKUA ETA ATUNA SARTU ZITUEN. ZATI HORIAN OGIA, ZEREALAK ETA OLIOA. ETA BERDEAN FRUTAK  ETA BARAZKIAK.

ETA AZKENIK  EGUNEAN 8 BASOKADA UR EDAN BEHAR DITUGULA  ESAN ZIGUN.

GOSARIA LANTZEN IBILI GAREN ASTE HONETAN BAKOITZAK GURE GOSARIEN LIBURUXKATXO BAT OSATU DUGU, ETXEAN GOSALDU DUGUNA IDATZIZ. ETA AZKENA ESKOLAN EGINDAKO GOSARIA IZAN DA, HONA HEMEN GUTARIKO BATZUK EGINDAKO LANA: 

HIRUHILABETEKO ESKOLAN EGINDAKO LANAK

KAIXO DENORI,
DAGOENEKO BIGARREN HIRUHILABETE HAU BUKATZEAR DAGO, ETA BADAKIZUE, HIRUHILABETE BAKOITZEAN KARPETA BAT ERAMATEN DUGU GURE LANEKIN. HONEZ GAIN ZUEK IKUSI EZIN DITUZUEN HAINBAT LAN ERE EGITEN DUGU ETA ARGAZKIETAN ERAKUTSI NAHI DIZUEGU.